Hevî Herdem Heye 1

Romana bi taswîrên xurt ên herêma Botanê û hest, raman û berxwedana têkoşerên azadiyê hûnandî, xwendevanên xwe bi xwe re dibe navsera çiyayên welêt û geliyên têrberf û şînayiyên rengîn, kaniyên avsar, daristanên tije teyrûtilûr. Bi xwendina her rûpelê re çêja jiyana têkoşerî, berxwedana li hember dijwariyên xwezayê, bîrûbaweriya di bin her şert û mercî de bi doza welat û azadiyê ve bêqetandin girêdayî, giyana hevaltî, desteka bêhempa a welatparêzî û dewlemendiya wêjeya kurdî xwendevana ji cîhana tê de vediqetîne û ber bi welêt ve dibe, gelî bi gelî, navser bi navser, berpal bi berpal digerîne.

Romana «Hêvî Herdem Heye» nîşanî mirov dide ku di rewşeke qet riyeke jiyanê nemîne de, mirov dikare bi germahiya dilê xwe û bîrûbaweriya xurt a azadî û bîrdoziyê ji nû ve hêviya jiyanê biafirîne, li ber xwe bide û bi ser keve.