Baye Cilo

"Ev berbang jî Çîroka kesên ku ji nû ve Xwe afirandin e. Di zilûmata herî tarî de Xwe li gurzek ronahiyê digre Li gel recifandina kûr Ya rastiyên ku derdikevin meydanê Efsaneya kurdan a Ku xwe li çiya daye..." Husnu AblayÇar rûkên çiyayê Cîlo bi çîrok in. Bi çar dilan stranan dibêje. Rûkê wî yê rojava, bi Simbil tê navkirin ku ji kevrê îm e. Her roj çemê Zê di ber lingên wê de bi strana xwe diherike. Di ser bajarê qedim, çav dide Feraîn û bi helbestên xwecihiyan dengê koçeran e li Berçelan.Rûkê wî yê baûr, bi ser bajarê Çelê de xûl e. Rûk spi û bi kîz û xîz e. Bi rêhil û bi lat û raz e. Sahidê Serên germ û sar e, zanyar û kal e. Car aram e, car bi kîn e.Rûkê wî yê rojhelat, serpêhatiya serhildaneke windayî, bîranîn e. Bi çavê Bedran nivîsandina destaneke nemir, serê Nav>arê diperixîne û çav li Zagrosan e.Rûkê wî yê bakur, firehiya delta mezin û Nihêla avis. Keleya Elbakê, kevrên sor û çiyayê Morê, bi hemû heybet û delaliya xwe xemilandiye. Lê ji bêhna bayê gola Ûrmiyê Mehabad tê